Thüringer 24h OL

24h-OL – Stimmen aus dem Team

Müd, glücklich und definitiv ready für d Pfingststaffle: es paar unzensierti Highlights vom 24h-OL.

De Yäne und d Nora sind bim Nacht-OL erlüchtet worde.

De Luki het 53 km gmacht – am meiste – und het nödmal d Uhr zum Tracke debii gha.

Niemert isch verfrohre, au wenns knapp gsi isch.

Mir hend glernt, dass 1 Grad würklich chalt isch und die Comfort-Bereich vom Schlafsack hine und vorne nöd stimmed.

De schwächsti Teil sind d Schuehbändel.

Ich han es Nacht-OL-Tram agfüehrt!

De Yäne het uf de erste Streck im Zieliilauf um jede Meter kämpft – volle Iisatz defür, dass es no 23.5h wiitergange isch.

Poste 205 isch en … Zitat Yäne

Zwüschefazit:
Mir sind sehr müed, aber sehr glücklich.
Und mir hend i de Disco de Dütsche Footloose zu nöd Footloose biibracht.

Niemert isch verletzt – mir sind ready für d Pfingststaffle 🔥

Nächst Jahr isch de 24h-OL z Tschechie – s wär öpis für OL-Pläuschler 🤩

Fazit vom Fahrer Corino: «S isch perfekt.»

^{Bilder: Nora, Bericht: Das ganze Team}